Энэхүү даатгалын зүйл нь даатгуулагчийн орон нутагт агаарын онгоц, газраар тээвэрлэгч тээврийн хэрэгслүүд болон холбогч тээврийн хэрэгслүүдээр тээвэрлэгдэж буй ачаа, бараа байна. 

Даатгалын эрсдэл: 

Даатгагч нь даатгалын зүйлийг дараах үндсэн эрсдлүүдээс даатгах бөгөөд доорхи эрсдлүүд учирсныг даатгалын тохиолдол гэж үзнэ.

• Байгалийн
• Галын 
• Цахилгаан эрчим хүчний 
• Зам тээврийн хөдөлгөөн болон тээвэрлэлтийн үеийн. 

Түүнчлэн нэмэлт хураамж төлснөөр дараах нэмэлт эрсдэлээс даатгуулах боломжтой. Үүнд: 

• Гуравдагч этгээдийн санаатай болон санамсаргүй үйлдэл
• Хулгай, дээрмийн эрсдэл

Даатгалын хураамжийг хэрхэн тооцох: 

• Даатгалын үргэлжлэх хугацаа нь илгээгчээс ачааг тээвэрлэгчид шилжүүлж эхэлсэн үеэс тээвэрлэгч ачааг хүлээн авагчид хүлээлгэж өгөх хүртэл 30 хоног хүртлэх тогтоосон хугацаанд үргэлжилнэ.
• Даатгалын үнэлгээг баримтанд заасан барааны үнийн дүнгээр тооцно.
• Даатгалын хураамжийн хэмжээ нь замын болон тээврийн төрөл, тээвэрлэх зай, барааны ангилал, эрсдлийн түвшингээс хамаарна.

Даатгуулахад шаардлагатай бичиг баримт ба мэдээлэл: 

• Ачаа барааны өмчлөгч, эзэмшигчийн нэр.
• Даатгуулагчийн нэр, регистрийн дугаар
• Даатгуулагчийн хаяг, байршил, утасны дугаар.
• Ачааны тээвэрлэгдэх хугацаа.
• Ачааны нэр,хэмжээ /тоо ширхэг, жин, хайрцаг боодлын тоо/, үнэлгээ.
• Ачаа барааг тээвэрлэхтэй холбогдсон гэрээ, нэхэмжлэх, ачааны дагалдах баримт бичиг.
• Ачаа барааг тээвэрлэх зай, маршрут, тээврийн төрөл, боомтын нэр.
• Тээвэрлэгчийн нэр, хаяг, утас, танилцуулга.
• Тээврийн хэрэгслийн байдал.
• Тээвэрлэх замын нөхцөлийн онцлог.