УЛААНБААТАР ТӨМӨР ЗАМЫН

ОЛОН УЛСЫН ТЭЭВЭР ЗУУЧЛАЛЫН ТӨВ

Байгууллагын товч танилцуулга


Олон улсын тээвэр зуучлалын төв нь 1993 онд УБТЗ-ын 100 хувийн хөрөнгө оруулалттай байгуулагдан өнөөдрийн байдлаар зөвхөн төмөр замаар төдийгүй авто зам,  далайн тээврийн зуучлал болон тэдгээртэй холбоотой дагалдах бүх үйлчилгээг үйлчлүүлэгч, хэрэглэгчдэд хүргэж байна.

 

Одоогийн байдлаар Монголын тээврийн зах зээлд 200 орчим тээвэр зуучлалын эрх бүхий аж ахуйн нэгжүүд ажиллаж байгаагаас идэвхитэй үйл ажиллагаа явуулж байгаа нь 60 орчим компани байна. Энэхүү өрсөлдөөнт зах зээлд ОУТЗТөв нь 30 орчим орны 70 орчим тээвэр зуучлалын компаниуд, 130 орчин дотоод, гадаадын клиенттэй тээвэр зуучлалын гэрээний дагуу хамтран ажиллаж байна.

 

Олон улсын тээвэр зуучлалын төв нь дараах үйлчилгээнүүдийг Та бүхэнд санал болгож байна.

  • Монгол улсын нутгаар дамжин өнгөрөх тээвэр

  • Реэкспортийн тээвэр

  • Экспорт, импортын вагон илгээлт, чингэлгийн тээвэрлэлт

  • Авто тээврээр “Хаалганаас хаалга” хүртэлх үйлчилгээ

  • Чингэлэг болон түүвэр ачааны тээвэрлэлт

  • Аюултай ачааны тээвэрлэлт

  • Хүнд, хэтрүү овор бүхий ачааны тээвэрлэлт

  • Төслийн тээвэр 

  • Экспорт, импортын ачааны гаалийн бүрдүүлэлт

  • Гаалийн зуучлалын үйлчилгээ

  • Тээврийн даатгал

  • Агуулах, ачаа хадгаламжийн ба талбайн үйлчилгээ

  • Гаалийн баталгаат агуулахын үйлчилгээ

 

ОУТЗТөв нь агаар, төмөр зам, авто замаар ба далайн тээврээр тасралтгүй, найдвартай үйлчилгээг чанарын өндөр түвшинд Танд хүргэх бөгөөд өөрийн мэдээллийн сүлжээг ашиглан ачааны талаарх мэдээллийг цаг тухайд нь шуурхай авах боломжийг Танд олгох болно.

 

Олон улсын тээвэр зуучлалын төв нь Олон Улсын Тээвэр Зуучлагчдын Холбоо, Олон Улсын Гаалийн Зуучлагч Байгууллагуудын Холбоо, Олон Улсын Агаарын Тээврийн Холбоо, Монголын Үндэсний Тээвэр Зуучлагчдын Холбоо, Монголын Үндэсний Худалдаа Аж Үйлдвэрийн Танхимын гишүүн байгууллага бөгөөд эдгээр байгууллагуудтай нягт хамтран ажиллаж байна.

 

Олон улсын тээвэр зуучлалын төвд өндөр мэргэшилтэй, гадаад хэлний өндөр мэдлэгтэй, тээвэр зуучлалын болон бизнесийн үйлчилгээний өргөн мэдлэгтэй, ачаа тээвэрлэх арвин туршлагатай, гар сэтгэл нийлсэн баг - хамт олон ажиллаж байна. 

 

Олон улсын тээвэр зуучлалын төв нь тээвэр, гааль, маркетинг, агаарын тээврийн зуучлалын хэлтэс болон терминал, авто тээврийн нэгж, хэсэгтэй, УБТЗ-ын АБТЭМАнги, Дархан, Эрдэнэт, Сүхбаатар, Замын-Үүд, Сайншанд, Эрээнцав өртөөдөд салбартайгаар ажил, үйлчилгээгээ явуулж байна.  

 

Олон улсын тээвэр зуучлалын төв нь гадаад, дотоодод нэр хүнд бүхий байгууллага бөгөөд манай байгууллагатай хамтран ажилласнаар Та бүхний бизнесийн өгөөж, үйлчилгээний цар хүрээ улам өргөжин тэлнэ гэдэгт итгэл төгс байна.

ЦАХИМ ТАНИЛЦУУЛГЫГ ДООРХИ ЛИНК ДЭЭР ДАРЖ ХҮЛЭЭН АВНА УУ!

 

IFFC brochure english